नेपालमा पछिल्लो २४ घण्टाको अवधिमा २१ जनामा कोरोना भाइरसको संक्रमण देखिएको छ ।

स्वास्थ्य तथा जनसंख्या मन्त्रालयका अनुसार ३ हजार ७८८ नमुनाको पिसिआर तथा एन्टिजेन विधिबाट परीक्षण गर्दा सो संख्यामा कोरोना संक्रमित थपिएका हुन् ।

आज १६ जना डिस्चार्ज भएका छन् । योसँगै नेपालमा संक्रमणमुक्त हुनेको संख्या ९ लाख ६६ हजार ८३९ पुगेको छ ।

मन्त्रालयका अनुसार आज कोरोना संक्रमणबाट कसैको पनि मृत्यु नभएको छैन । अहिलेसम्म कोरोनाबाट ११ हजार ९५२ जनाले ज्यान गमाएका छन् ।

आज कोरोना खोप ११ हजार ५ जनाले लगाएका छन् भने देशभर १८७ जना सक्रिय संक्रमित छन् ।