देशभर शुक्रबार स्थानीय तह निर्वाचन हुँदैछ । निर्वाचन आयोगले अधिकांश स्थानमा चुनावी तयारी पूरा भइसकेको छ भने बाँकी स्थानमा तयारी गरिरहेको जनाएको छ । काठमाडौंमा पनि स्थानीय तहको निर्वाचनका लागि तयारीका कामहरू भइरहेका छन् । 

सुरक्षाकर्मी र कर्मचारीहरू निर्वाचन केन्द्र र मतदान स्थलमा खटिसकेको आयोगले जनाएको छ । नयाँ मतदातालाई मतदाता परिचयपत्र वितरण र नमुना मतपत्रमा भोट हाल्न सिकाइँदै तयारीको काम पनि भइरहेको  आयोगले जनाएको छ । मतदाता परिचयपत्र वितरण र मतदाता शिक्षा दिउँसो ३ बजेसम्म चल्ने छ भने त्यसपछि स्थानीय तहको निर्वाचनका लागि बाँकी तयारी सक्ने आयोगको योजना छ ।