उदयपुरको मतदान केन्द्रमा प्रहरीले चलाउँदा एक किशोरको मृत्यु भएको छ । त्यस्तै, अर्का एकजना घाइते भएका छन् । 

जिल्लाको कटारी नगरपालिका– १० सोरुङछबिसेमा रहेको जनता कालिका माविको मतदान केन्द्रमा विवाद हुँदा प्रहरीले गोली चलाएको हो ।  मतपेटिका सिलबन्दी गर्ने क्रममा विवाद हुँदा गोली चलाउनु परेको प्रमुख जिल्ला अधिकारी वीरेन्द्रकुमार यादबले जानकारी दिए ।

उनले भने, ‘मतदान सकिएपछि अन्तिम समयमा गोली चलेको जानकारी आएको छ । गोली लागेर कटारी नगरपालिका– १० सोरुङछबिसेका  स्वतन्त्र वडाध्यक्षका उम्मेदवार गौरवहादुर कटुवालका भतिज १९ वर्षीय नवीन भन्ने वीरबहादुर कटुवालको मृत्यु भएको हो ।

त्यस्तै, घरमा बसिरहेका १३ वर्षीय किशोर मोहन श्रेष्ठको घुँडामा गोली लागेको छ ।