बैतडीको शिवनाथ गाउँपालिका–१ को अध्यक्षमा नेपाली कांग्रेसका बलदेव सिंह चाड प्यानलसहित विजयी भएका छन् ।  उनी ७ सय मत प्राप्त गर्दै विजयी भएका हुन् ।

उनका निकटतम प्रतिद्वन्द्वी नेकपा एमाले उम्मेदवार देवसिंह साउँदले ४७० मत प्राप्त गरे । उक्त वडाबाट पालिका अध्यक्ष, उपाध्यक्षमा सत्ता साझेदार गठबन्धनका उम्मेदवार अगाडि देखिएका छन् । पालिका अध्यक्षमा कांग्रेसका कर्णसिंह साउँदले ६४१ मत प्राप्त गरेका छन् । एमालेका उम्मेदवार हजारीसिंह साउँदले ५०६ मत ल्याएका छन् ।

उपाध्यक्षमा माओवादीका उम्मेदवार नरेन्द्र सिंह साउदले ५१४ मत ल्याएर अग्रस्थानमा छन् भने नेकपा एमालेका शकुन्तला साउदले ४७१ मत प्राप्त गरेका छन् । अहिले वडा न. २ को मतगणना जारी छ । 

त्यस्तै,  जिल्लाको सूर्नया गाउँपालिका–१ मा नेकपा एमाले विजयी भएको छ । एमालेका वडा अध्यक्षका उम्मेदवार धनबहादुर चन्दको प्यानल नै विजयी भएको हो । 

चन्द १५५ मतका साथ विजयी भए । कांग्रेसका उम्मेदवारले ११५ मत प्राप्त गरे । सदस्यहरूमा दिलाराम कोली, अर्जुनबहादुर चन्द, सीता ढोली र अनिता चन्द विजयी भएका छन् ।