डोल्पाको जगदुल्ला गाउँपालिकाको अध्यक्षमा नेकपा माओवादी केन्द्रका उम्मेदवार निर्वाचित भएका छन् ।
माओवादीबाट नारासिंङ रोकाय ७७० मतसहित गाउँपालिका अध्यक्षमा निर्वाचित भएका हुन् । उनका निकटतम प्रतिद्वन्द्वी नेकपा एमालेका उम्मेदवार हेमबहादुर महताराले ७४६ मत पाए ।
त्यस्तै, माओवादीकै अमृता बोहरा उपाध्यक्षमा विजयी भएकी छन् । उनी ७५९ मत ल्याउँदै उपाध्यक्षमा विजयी भएकी हुन् । उनकी प्रतिस्पर्धी एमालेकी इन्द्रावती थापाले ७४९ मत ल्याइन् ।
यो गाउँपालिकाको तीन वटा वडाध्यक्षमा पनि माओवादीका उम्मेदवार विजयी भए । जगदुल्लामा कांग्रेस, एमाले र समाजवादीले चुनावी तालमेल गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
