कैलालीको घोडाघोडी नगरपालिका– १ को वडाध्यक्षमा नेपाली कांग्रेसका घनश्याम ओझा विजयी भएका छन् । निकटतम प्रतिद्वन्द्वी नेकपा एमालेका तिलक राम सापकोटालाई पराजित गर्दै उनी १ हजार १ सय ३८ मतका साथ विजयी भएका हुन् । एमालेका सापकोटाले ९ सय ७१ मत प्राप्त गरे ।

त्यस्तै, महिला सदस्यमा एमालेबाट  किसम देवी चौधरी १ हजार ५१ मत, दलित महिला सदस्यमा जुना सुनार १ हजार ६३ मत, खुल्ला सदस्यद्वय कांग्रेसबाट अमन चौधरी १ हजार ३९ मत र ध्रुव गौतम १ हजार ९३ मत ल्याएर विजयी भए । वडा नम्बर १ मा ४ हजार २ सय ५४ मत खसेको थियो ।

यसअघि २०७४ को स्थानीय चुनावमा वडा नम्बर १ मा एमालेका मन राज शाही विजय भएका थिए । ०५१ यता यहाँ एमाले हारेको थिएन । तर, यसपालि भने कांग्रेसले एमालेको गढ भत्काउन सफल भयो । 

वडामा एमालेको अवस्था बलियो रहे पनि पार्टीभित्रको अन्तर द्वन्द्वको फाइदा उठाउँदै कांग्रेसलाई फाइदा भयो ।