टिकटकबाट चर्चामा आएकी मोडल गरिमा शर्माले फिल्ममा डेब्यु गर्ने भएकी छन् । ‘लण्डन टु पेरिस’बाट उनले फिल्म डेब्यु गर्न लागेकी हुन् । उनले म्युजिक भिडियोहरूमा पनि अभिनय गरेकी छन् । 

फिल्मका अभिनय गर्नका लागि उनले सम्झौता समेत गरिसकेकी छन् । यो फिल्म एबी इन्टरनेशनलको ब्यानरमा निर्माण हुने लागेको हो । फिल्मका निर्देशक घनश्याम लामिछाने हुन् । 

यसअघि अभिनेत्री साम्राज्ञी राज्यलक्ष्मी शाहले पनि यो फिल्ममा अभिनय गर्नका लागि साइन गरिसकेकी छन् । अभिनेता छनोट हुन बाँकी रहेको बताइएको छ । 

अमित बस्नेत, अजित कुमार थापा, परी राना, अंकित गौतम, सनिश खकुरेल निर्माता रहेको फिल्मका सह–निर्माता अजित सिंह हुन् । फिल्मको कथा, पटकथा तथा संवाद प्रदीप भारद्वाजले लेखेका हुन् ।