नटिङ्घम फरेस्ट इंग्ल्याण्डको शीर्ष डिभिजन फुटबल इंग्लिस प्रिमियर लिगमा बढुवा भएको छ । वेम्बलीमा गएराति सम्पन्न च्याम्पियनसिपको प्लेअफमा हडर्सफिल्डलाई १–० ले हराउँदै नटिङ्घमले प्रिमियर लिगमा स्थान सुरक्षित गरेको हो ।

खेलको ४३ औं मिनेटमा हडर्सफिल्डका लेभी कोल्विलको आत्मघाती गोल नै नटिङ्घमलाई जित दिलाउन पर्याप्त बन्यो । जेम्स गर्नरबाट आएको क्रसलाई रोक्न खोज्दा कोल्विलले आफ्नै पोस्टमा गोल गरेका थिए ।

नटिङ्घम २३ वर्षपछि प्रिमियर लिगमा बढुवा भएको हो । उसले पछिल्लोपटक १९९८/९९ को सिजनमा शीर्ष डिभिजन फुटबल खेलेको थियो ।