पाँचथरको हिलिहाङ गाउँपालिका–७ को सल्लेरीमा ट्याङ्‍कर र मोटरसाइकल आपसमा ठक्कर खाँदा एक जनाको मृत्यु भएको छ । मृत्यु हुनेमा मोटरसाइकल चालक सुनसरीको रामधुनी नगरपालिका– ७ घर भएका २६ वर्षका प्रेम घिसिङ रहेका छन् । घिसिङले चलाएको को ५ प २३३० नम्बरको मोटरसाइकल र मे १ ख २४९४ नम्बरको ट्याङ्‍कर बुधबार एकआपसमा ठोकिएका थिए ।

ठक्करपछि घिसिङ गम्भीर घाइते भएका थिए । उनको झापाको बिएण्डसी अस्पतालमा उपचारको क्रममा गएराति मृत्यु भएको हो । दुर्घटनामा घिसिङकी श्रीमती कञ्‍चन मगर गम्भीर घाइते भएकी छन् । उनको पनि आइसीयूमा राखेर बिएण्डसीमै उपचार भइरहेको जिल्ला प्रहरी कार्यालय पाँचथरका प्रहरी नायव उपरीक्षक (डीएसपी) राकेश थापाले जानकारी दिए ।