एमाले स्थायी कमिटी सदस्य घनश्याम भुसाललाई स्पष्टीकरण सोध्न अनुशासन आयोगले गरेको सिफारिस अनुमोदन भएको छ । यसअघि जेठ १८ गते बसेको आयोगको सचिवालय बैठकले भुसाललाई स्पष्टीकरण सोध्न सिफारिस गरेको थियो । 

मंगलबार बसेको आयोगको केन्द्रीय कमिटी बैठकले सो सिफारिस अनुमोदन गरेको हो । सोमबार बसेको एमाले सचिवालय बैठकमा यस विषयमा छलफल नभए पनि मंगलबारको बैठकले सो निर्णय गरेको हो । 

भुसालले एक टेलिभिजनमा अन्तरवार्ताका क्रममा पार्टी अध्यक्ष केपी ओलीका कारण स्थानीय निर्वाच्नमा पार्टी पराजित भएको आरोप लगाएका थिए । सार्वजनिक रुपमा पार्टी अध्यक्षको आलोचना गरेको भन्दै आयोगले स्पष्टीकरणका लागि सिफारिस गरेको हो ।