सुशान्त सिंह मृत्यु प्रकरण : प्रेमिका र उनका भाइविरुद्ध मुद्दा दायर, कहिले हुनेछ सुनुवाइ ?
फरकधार / ९ असार, २०७९

बलिउड अभिनेता सुशान्त सिंह राजपुतको मृत्यु भएको करिब २ वर्षपछि नार्कोटिक्स कन्ट्रोल ब्यूरो (एनसीबी) ले उनकी प्रेमिका रिया चक्रवर्ती, उनका भाइ शोभिक चक्रवर्तीविरुद्ध मुम्बईको विशेष अदालतमा मुद्दा दायर गरेको छ । यस विषयमा अदालतमा १२ जुलाईमा सुनुवाइ हुनेछ । तर, अदालतले रियामाथि अहिलेसम्म अभियोग लगाएको छैन ।



पिटिआई रिपोर्टका अनुसार विशेष सरकारी वकिल अतुल सरपाण्डेले यस विषयमा आफ्नो तर्फबाट सबै अभियुक्तहरूले अदालतमा दायर गरिएको आरोपपत्रमा उल्लेख गरिएका आरोपलाई समर्थन गरेको बताए । यो मस्यौदा आरोपपत्र दायर गर्दै उनले रिया र उनका भाइ शोभिकविरुद्ध लागुऔषध दुर्व्यसन र मृत अभिनेता राजपुतका लागि त्यस्ता पदार्थको खरिद र भुक्तानी गरेको अभियोगमा मुद्दा दायर गर्न अदालतलाई आग्रह गरेका छन् ।
 
विशेष सरकारी वकिल अतुलले अदालतले सबै अभियुक्तविरुद्ध मुद्दा दायर गर्न लागेको बताए । ‘अदालतले डिस्चार्ज निवेदनको फैसलापछि मात्रै अभियोग लगाउने बताएको छ,’ उनले भने ।

सुशान्तको मामिलामा ड्रग्स एङ्गल बाहिर आएपछि रियालाई सेप्टेम्बर २०२० मा पक्राउ गरिएको थियो । यस मुद्दामा करिब एक महिनापछि उनलाई बम्बई उच्च अदालतले जमानत दिएको थियो ।





  • प्रकाशित मिति : असार ९, २०७९ बिहीबार १३:३५:०,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया