आज असार १५ अर्थात् राष्ट्रिय धान दिवस विभिन्न कार्यक्रम गरी मनाइँदै छ । यसै अवसरमा नेकपा एमालेको भ्रातृ संगठन राष्ट्रिय युवा संघले पनि रोपाइँ महोत्सव आयोजना गरेको छ । युवा संघले ललितपुरको बुङमती धान रोपेर रोपाइ महोत्सव मनाएको हो । युवा संघले आयोजना गरेको रोपाइँ महोत्सवमा एमाले महासचिव शंकर पोखरेल, अभिनेत्री एवं एमाले नेतृ करिश्मा मानन्धर पनि सहभागी थिए । अवसरमा महासचिव पोखरेलले धान रोपेका थिए भने सहभागीले हिलो खेलेर मनोरञ्जन गरेका थिए । आज देशभर १९औं धान दिवस मनाइँदै छ । साथै आज दही चिउरा खाने प्रचलन पनि रहेको छ ।