लिभरपुलका फरवार्ड मोहम्मद सलाहले क्लबसँगको सम्झौता नवीकरण गरेका छन् । प्रिमियर लिग क्लबले शुक्रबार सलाहले सम्झौता नवीकरण गरेको जनाएको हो ।
३० वर्षिय इजिप्टयन फरवार्डले थप तीन वर्ष एनफिल्डमै रहने गरि सम्झौता नवीकरण गरेका हुन् । अब उनी २०२५ सम्म लिभरपुलमै रहने छन् । २०१७ मा इटालियन क्लब रोमाबाट लिभरपुल आएका सलाहले क्लबका लागि २५४ खेलमा १५६ गोल गरेका छन् ।
उनले लिभरपुलबाट च्याम्पियन्स लिग, प्रिमियर लिग, एफए कप, लिग कप, फिफा क्लब विश्वकप र यूइएफए सुपर कपको उपाधि जितेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
