जनता समाजवादी पार्टी नेपालका सांसद प्रमोद साहले मन्त्रीहरु हेरफेर गर्ने पार्टीको निर्णय स्वागतयोग्य भएको टिप्पणी गरेका छन् । सोमबार प्रतिनिधिसभाको बैठकपछि सञ्चारकर्मीहरुलाई संक्षिप्त प्रतिक्रिया दिँदै सांसद साहले यस्तो बताएका हुन् । 

पार्टीले मन्त्रीहरु बनाउँदा समावेशी बनाउन नसकेको उल्लेख गर्दै उनले मन्त्री हेरफेर गर्न पार्टी अध्यक्षलाई अधिकार दिइएबमोजिम निर्णय भएको बताए । उनले भने,‘पार्टी अध्यक्ष र शीर्षस्थ नेतृत्वले निर्णय गर्ने अधिकार दिएको थियौँ । त्यही अनुसार निर्णय भएको छ । स्वागतयोग्य निर्णय छ ।’

पार्टी फुटाउन जरुरी नभएको बताउँदै उनले पार्टी फुटाउनु लोकतन्त्रलाई कमजोर पार्नु भएको बताए ।