टिकटकका सेक्युरिटी चिफ (सुरक्षा प्रमुख) रोलान्ड क्लउटियरले राजीनामा दिएका छन् । आउँदो सेप्टेम्बर महिनादेखि लागू हुने गरी रोलान्डले आफ्नो पदबाट राजीनामा दिएका हुन् । 

अमेरिकी प्रयोगकर्ताको डेटा सुरक्षासम्बन्धी विवाद चलिरहँदा उनले राजीनामा दिएका हुन् । उनको स्थानमा किम अल्बारेलाले काम गर्ने कम्पनीले जनाएको छ ।

अमेरिकाले टिकटकमा प्रयोगकर्ताको डेटा सुरक्षित नभएको आरोप लगाएको छ । टिकटकको अभिभावक कम्पनी बाइटडान्सले अमेरिकी अधिकारीहरूबाट बढ्दो छानबिनको सामना गरिरहेको छ ।