काठमाडौं महानगरपालिका–१६ बालाजुमा बसले ठक्कर दिँदा गम्भीर घाइते भएका मोटरसाइकल चालकको मृत्यु भएको छ ।
गएराति बा.५ ख २८७२ नम्बरको बसले बा.७० प ६१२८ नम्बरको मोटरसाइकललाई ठक्कर दिँदा चालक रोमन थापामगर गम्भीर घाइते भएका थिए ।
नागार्जुन नगरपालिका–१ रानीवन बस्ने २८ वर्षीय रोमन थापा मगरको उपचारको क्रममा मृत्यु भएको उपत्यका ट्राफिक प्रहरी कार्यालयले जनाएको छ ।
दुर्घटनामा गम्भीर घाइते भएका उनलाई उपचारको लागि त्रिवि शिक्षण अस्पतालमा लगिएको थियो । बसका चालकलाई प्रहरीले नियन्त्रणमा लिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
