एनडिए गठबन्धनबाट उम्मेदवार बनेर भारतीय राष्ट्रपतिमा निर्वाचित द्रौपदी मुर्मूले प्रतिस्पर्धी यशवन्त सिन्हालाई भारी मतले पराजित गरेकी छिन् ।
मुर्मूको पक्षमा ५ लाख ७७ हजार ७७७ इलेक्टोरोल भोट आएको छ भने पराजित उम्मेदवार यशवन्त सिन्हाको पक्षमा २ लाख ६१ हजार ६२ मत प्राप्त भएको भारतीय सञ्चारमाध्यमले जनाएका छन् ।
भारतीय राष्ट्रपतिमा निर्वाचित हुन ५ लाख ४३ हजार २१६ इलेक्टोरोल भोट आवश्यक हुन्छ । भारतको राष्ट्रपतिका लागि कुल १० लाख ८६ हजार ४३१ इलेक्टोरल मतमध्ये द्रौपदीले आधाभन्दा बढी मत पाएकी हुन् ।
भारतको १५ औं राष्ट्रपति बन्ने मुर्मू पहिलो आदिवासी महिला हुन् । दौपदीले जुलाई २५ मा राष्ट्रपतिको शपथ लिने कार्यक्रम रहेको छ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।