काठमाडौं– सुर्खेतबाट पहिलो श्रम स्वीकृति साउदी अरबका लागि ललितकुमार घर्तीले पाएका छन् । हेल्परका रुपमा साउदी अरब जान लागेका घर्तीको न्यूनतम पारिश्रमिक दुई हजार रियल तोकिएको छ ।
वैदेशिक रोजगारीसँग सम्बन्धित सेवालाई विकेन्द्रीत गर्दै लगेको सरकारले आइतबारदेखि कर्णाली प्रदेशको राजधानी सुर्खेतबाट श्रम स्वीकृति सेवा सुरु गरेको हो ।
कर्णाली प्रदेशको श्रम तथा रोजगार कार्यालयबाट नयाँ तथा पुनः श्रम स्वीकृतिको सेवा प्रदान गरिने श्रम, रोजगार तथा सामाजिक सुरक्षा मन्त्रालयले जनाएको छ ।
मन्त्रालयले यसअघि २ नम्बर प्रदेशको जनकपुर, ५ नम्बर प्रदेशको बुटबल र गण्डकी प्रदेशको राजधानी पोखराबाट श्रम स्वीकृति दिन सुरु गरिसकेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।