ललितपुरको एकान्तकुनामा टिपरसँग ठोक्किदा मोटरसाइकल चालकको मृत्यु भएको छ । दुर्घटनामा मोटरसाइकलको पछाडि सवार एकजना घाइते भएका छन् ।

गएराति ९ बजे बा ३ ख ५७७ नम्बरको रोकिराखेको टिपरमा बागमती प्रदेश ०२–०२७ प ६३३८ नम्बरको मोटरसाइकल ठोक्किदा मोटरसाइकल चालक खोटाङ घर भई ललितपुरको ठेचो बस्ने २३ वर्षीय ठगेन्द्र राईको मृत्यु भएको प्रहरीले जनाएको छ । उनको उपचारको क्रममा अल्का अस्पताल जावलाखेलमा मृत्यु भएको हो ।

दुर्घटनामा मोटरसाइकलको पछाडि सवार ललितपुरको महालक्ष्मी नगरपालिका बस्ने ३५ वर्षीय सुरज अधिकारी घाइते भएका छन् । उनको अल्का अस्पतालमा उपचार भइरहेको छ ।