नेपालमा पछिल्लो २४ घण्टामा ७१० जनामा कोरोनाभाइरसको संक्रमण देखिएको छ ।

स्वास्थ्य तथा जनसंख्या मन्त्रालयका अनुसार ५ हजार २५ नमुनाको परीक्षण गर्दा सो संख्यामा कोरोना संक्रमित थपिएका हुन् ।

यो अवधिमा २ हजार ५४१ नमुनाको पिसिआर गर्दा ५२४ जनामा र २ हजार ४८४ नमुनाको एन्टिजेन गर्दा १८६ जनामा कोरोनाभाइरस संक्रमण देखिएको हो ।

साथै यही अवधिमा थप २ जनाको कोरोना कारण ज्यान गएको छ । योसँगै नेपालमा कोरोनाबाट ज्यान गुमाउनेको संख्या ११ हजार ९६२ पुगेको छ ।

आज देशभर ४ हजार २३६ जना सक्रिय संक्रमित रहेका छन् । त्यस्तै २१५ जना संक्रमणमुक्त भएका छन् ।