नेपाल नेत्रहीन क्रिकेट संघको अध्यक्षमा पुनः पवन घिमिरे निर्वाचित भएका छन् । संघको बिहीबार बसेको १७ औं वार्षिक साधारणसभा तथा छैटौं अधिवेशनले नयाँ कार्यकालको लागि घिमिरेलाई अध्यक्षमा चयन गरेको हो ।
यस्तै, संघको उपाध्यक्षमा गीता पौडेल, महासचिवमा अमृत बराल, कोषाध्यक्षमा उपेन्द्र श्रेष्ठ र सचिवमा निलकण्ठ तिमिल्सेना निर्वाचित भएका छन् । संघको सदस्यमा रमेश पोखरेल, सम्राट गौतम, भगवती अमगाई, सागर लामा, खेम सापकोटा र निर्मल पौडेल चुनिएका छन् ।
संघले दृष्टिविहीन महिला क्रिकेट खेललाई थप उचाइमा पुर्याउन समीक्षा ज्ञवालीको संयोजकत्वमा ५ सदस्यीय महिला समिति समेत गठन गरेको छ । महिला समितिको सदस्यमा मुना अर्याल, भगवती अमगाई, सुशीला चौधरी र सरिता घिमिरे छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।