बैतडीमा बुवाको हत्या गर्ने छोरा कारागार चलान भएका छन् । जिल्लाको डिलाशैनी गाउँपालिका ५ सेराका २२ वर्षीय लोकराज जोशीलाई पुर्पक्षका लागि कारागार चलान गरिएको जिल्ला प्रहरी कार्यालय बैतडीका प्रमुख प्रहरी नायब उपरीक्षक प्रेमबहादुर शाहीले जानकारी दिए । 

लोकराजले आफ्ना ६८ वर्षीय बुवा अन्तराम जोशीलाई गएको साउन १३ गते बन्चरो प्रहार गरेर हत्या गरेका थिए । उनलाई सोही दिन प्रहरीले पक्राउ गरेको थियो । घटनाको अनुसन्धान सकेर जोशीलाई अदालतमा पेस गरेपछि उनलाई कारागार पठाइएको हो ।