नेकपा माओवादी केन्द्रका अध्यक्ष पुष्पकमल दाहाल प्रचण्डले नागरिकता विधेयक प्रमाणीकरण नगरे अदालत जाने बताएका छन् । पोखरा पुगेर सञ्चारकर्मीसँग कुरा गर्दै उनले यस्तो बताएका हुन् । 

‘प्रमाणीकरण नगर्ने पनि सम्भावना छ । दोस्रोपटक पनि प्रमाणीकरण गर्नुभएन भने अदालत जाने या राजीनामा गर्नुपर्ने हुन सक्छ । राष्ट्रपतिलाई संविधानले दोस्रोपटक फिर्ता गर्नसक्ने व्यवस्था छैन,’ प्रचण्डले भने ।

उनले यसअघि केपी शर्मा ओलीले लगेको अध्यादेशमै भएको व्यवस्था अहिले पनि कायमै रहेको बताए । प्रचण्डले राज्य व्यवस्था समितिमा वैवाहिक अंगीकृत सात बर्से प्रावधान राख्नुपर्छ भनेर आफूले नै भनेको भएकाले त्यसमा आफ्नो अडान परिर्वतन हुने बताए । 

‘यो एमालेको पहलमा होइन, माओवादीको पहलमा यो प्रावधान राख्नु उचित हुन्छ भनेर बहुमतले निर्णय गरेको हो । तर, त्यसमा सर्वसम्मत हुन सकेन,’ उनले थपे ।

प्रचण्डले आफ्नो भारत भ्रमणसँग नागरिकता विधेयकको कुनै साइनो नभएको प्रष्टसमेत पारे ।