एजेन्सी– चीनले आफ्ना १७ हजारभन्दा बढी नागरिकलाई गाडी चलाउन आजिवन प्रतिबन्ध लगाएको छ । यो प्रतिबन्ध २०१८ मा सवारीसम्बन्धी कानुनको उल्लंघन गर्ने, मदिरा सेवन गरी सवारी चलाउने, हिट एन्ड रनमा पक्राउ परेका चिनियाँहरुलाई लगाइएको हो । 

चीनको जनसुरक्षा मन्त्रालयका अनुसार १७ हजार २ सय ६४ मानिसलाई गाडी चलाउन प्रतिबन्ध लगाइएको छ । मन्त्रालयका अनुसार यसमा ५ हजार १ सय ४९ मदिरा सेवन गरी गम्भिर दुर्घटना गराएको केसमा दोषी छन्, १२ हजार १ सय १५ मानिस हिट एन्ड रनमा पक्राउ परेका मानिसहरु रहेका छन् । 

चिनियाँ जनसुरक्षा मन्त्रालयको जानकारीअनुसार देशमा २०१८ मा दुई करोड २८ लाख भन्दा बढी नयाँ सवारी साधन र दुई करोड २५ लाखभन्दा बढी नयाँ चालक पञ्जीकृत भएका छन् । योबाहेक २०१८ मा ८६ हजार किलोमिटरसम्म नयाँ राजमार्ग पनि निर्माण भएको छ ।