धनुषाको विदेह नगरपालिकास्थित तिनकौरियामा आयोजना हुन लागेको नेकपा एमालेको बृहत् आमसभा तथा पार्टी प्रवेश कार्यक्रममा सहभागी हुन जनकपुरधाम आएका पार्टी अध्यक्ष केपी शर्मा ओलीलाई युवाहरूले कालो झण्डा देखाएका छन् ।
दुवै सदनबाट पारित गरिएको नागरिकता विधेयक राष्ट्रपति विद्यादेवी भण्डारीले प्रमाणीकरण नगरेको र त्यसमा एमालेले समर्थन गरेको भन्दै युवाहरूले ओलीलाई कालो झण्डा देखाएका हुन् ।
जनता समाजवादी पार्टी र नेकपा एकीकृत समाजवादी पार्टीका नेता कार्यकर्ताहरूले ओलीलाई कालो झण्डा देखाएका छन् ।
उनीहरूले स्थानीय भानु चोकमा नाराबाजीसमेत गरेका हुन् । पूर्व प्रधानमन्त्री ओली लोकतान्त्रिक समाजवादी पार्टीका सचेतक उमाशंकर अरगरियालाई एमाले प्रवेश गराउन धनुषा आइपुगेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।