बंगलादेशविरुद्धको मैत्रीपूर्ण खेलमा नेपालको कप्तानी किरण चेम्जोङले  नै गर्ने भएका छन् । नेपालले घरेलु मैदानमा मंगलबार बंगलादेशविरुद्ध मैत्रीपूर्ण खेल खेल्दैछ । 

बंगलादेशविरुद्धको खेलअघि आयोजित प्रि(म्याच कन्फरेन्समा नेपालको कप्तानी किरणले गर्ने जानकारी दिएको हो । सोमबार आयोजित प्रिम्याच कन्फरेन्समा कप्तानको रुपमा किरण उपस्थित थिए ।

यसअघि कुवेतमा भएको एएफसी एसियन कप छनोटको तेस्रो चरणमा नेपालको कप्तानी नवयुग श्रेष्ठले गरेका थिए । 

तत्कालीन मुख्य प्रशिक्षक अब्दुल्लाह अलमुताइरीसँगको विवादको कारण किरण टोलीमा थिएनन् । किरण यसै मैत्रीपूर्ण खेलबाट टोलीमा फर्किन लागेका हुन् ।

त्रिपरेश्वरस्थित दशरथ रंगशालामा साँझ  साढे पाँचबाट सुरू हुने खेलको प्रत्यक्ष प्रशारण एक्सन स्पोर्ट्स च्यानलबाट गरिने अखिल नेपाल फुटबल संघ (एन्फा) ले जनाएको छ ।

दुवै टोलीले मैत्रीपूर्ण खेलका लागि तयार रहेको र जित्न निकाल्ने लक्ष्यका साथ मैदान उत्रिने बताएका छन् ।