काठमाडाैं– तेस्राे पटक हृदयघात भएपछि केही दिनअघि नर्भिक अस्पताल भर्ना भएका पूर्वयुवराज पारस शाह अस्पतालबाट डिस्चार्ज भएकाे अस्पतालले जनाएकाे छ । उनकाे स्वास्थ्यमा सुधार आएकाले डिस्चार्ज गरिएकाे अस्पतालले जनाएकाे छ । 

शुक्रबार अस्पतालबाट घर लैजान बहिनी प्रेरणा सिंहलगायत अन्य आफन्त अस्पताल पुगेका थिए । उनी आइतबार दिउँसाे साढे चार बजे अस्पताल भर्ना भएका थिए । 

मुटुमा समस्या देखिएपछि अस्पताल पुगेका पारसकाे मुटुमा एन्जियाेप्लास्टी गर्दै दुई वटा स्टेन्ट राखिएकाे थियाे । उनकाे अवस्था अहिले सामान्य भएकाे अस्पतालले जनाएकाे छ । 

'अब उनले खानपान र जीवनशैलीमा विशेष ख्याल गर्नुपर्छ,' उनकाे उपचारमा संलग्न चिकित्सकले बताएका छन्, 'उनकाे मुटु अत्यन्त कमजाेर भएकाे छ । त्यसैले उनले विशेष ख्याल गर्नु पर्ने हुन्छ ।'

पारसले नियमित फलाे अप गर्नु पर्ने अस्पतालले जनाएकाे छ । यसअघि पारसलाई २०६३ सालमा र ०७२ सालमा पनि हृदयघात भएकाे थियाे ।