माल्दिभ्समा भइरहेको साबा महिला बास्केटबल च्याम्पियनसिपमा नेपालले आज आफ्नो दोस्रो खेल श्रीलङ्कासँग खेल्दैछ । यो खेल नेपाली समयानुसार राति सवा ९ बजे सुरु हुनेछ ।

साविक विजेता श्रीलंकाविरुद्ध मैदान उत्रिँदा नेपाल पहिलो जितको लक्ष्यमा हुनेछ । पहिलो खेलमा नेपाल घरेलु टोली माल्दिभ्ससँग ४७–५१ ले पराजित भएको थियो । 

श्रीलंका पनि नेपाललाई हराउँदै लगातार दोस्रो जित निकाल्ने सोचमा छ । उसले पहिलो खेलमा भुटानविरुद्ध ९८–३३ को सहज जित दर्ता गरेको थियो । 

सन् २०१६ मा भएको प्रतियोगिताको पहिलो संस्करणमा श्रीलंका विजेता बन्दा घरेलु टोली नेपाल उपविजेता भएको थियो । दक्षिण एसियाका चार राष्ट्र सहभागी प्रतियोगितामा नेपालले आफ्नो अन्तिम खेल भुटानसँग बुधबार खेल्नेछ ।