वरिष्ठ पत्रकार कौशल पाण्डेको निधन भएको छ । उनको हेटौंडा–४ कमलडाँडास्थित निवासमा ७५ वर्षको उमेरमा बिहीबार साँझ निधन भएको हो ।

पाण्डेको लिभर सिरोसिसको कारण केही महिनाअघि शल्यक्रिया गरिएको थियो । परिवारका सदस्यको अनुसार केही समयदेखि उनको स्वास्थ्य अवस्था जटिल थियो । 

पाण्डेको पार्थिव शरीर आज शुक्रबार अन्त्येष्टि गरिने पत्रकार महासंघ मकवानपुरका अध्यक्ष मणिराज गौतमले जानकारी दिए । उनी २०५८ सालमा नेपाल पत्रकार महासंघ मकवानपुर शाखाको अध्यक्ष भएका थिए ।