बझाङको खप्तडछान्ना गाउँपालिका–६ पाटादेवलमा झडप हुँदा चारजना गम्भीर घाइते भएका छन् । बिहीबार साँझ भएको झडपमा गम्भीर घाइते चार जनाकै बझाङमा उपचार सम्भव नभएपछि धनगढी रेफर गरिएको छ ।
घाइते हुनेमा बसन्त खड्का, त्रिभूवन खड्का, प्रकाश खड्का र दिपक खड्का रहेका छन् । उनीहरूबीच पुरानै पारिवारिक प्रतिशोध र अहिले चुनाव कारण झडप भएको वडाध्यक्ष तेजबहादुर खड्काले बताए ।
उनका अनुसार बसन्त खड्काले चुनावी प्रचारको विवादका क्रममा त्रिभुवन खड्काको टाउकोमा बोतलले हिर्काउँदा झगडा सुरु भएको हो।
घाइते हुनेहरू नेकपा एमाले र नेपाली कांग्रेसका समर्थक रहेको बुझिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।