कारागारमा रहेका अभिनेता पल शाहले भाइटीका लगाएका छन् । यौन दुरुपयोग गरेको आरोपमा २ वर्ष ६ महिना सजाए पाएका शाहले कारागारमै भाइटीका लगाएको तनहुँ कारागारका निमित्त प्रमुख अधिकारीले बताए ।

उनीविरुद्ध गत फागुन ११ गते नाबालिगका बुबाले जाहेरी दिएका थिए । शाहविरुद्ध सोही प्रकृतिको जाहेरी नवलपुरमा समेत परेको थियो । 

शाहविरुद्ध परेको जाहेरीमा नवलपुर जिल्ला अदालतले गत २१ भदौमा यौन दुरुपयोगमा गरेको आरोपमा २ वर्ष ६ महिना कैद सुनाएको थियो । साथै, पीडितलाई १० लाख रुपैयाँ क्षतिपूर्ति र २५ हजार जरिवाना अदालतले तोकेको छ । 

तनहुँ जिल्ला अदालतमा भने शाहविरुद्धको मुद्दा कायमै छ ।