सोनापुर मिनरल्स एन्ड आयल लिमिटेडलेसर्वसाधारणका लागि आइपिओ निष्कासन गरेको छ ।

सोनापुर मिनरल्सले आफ्नो जारी पूँजी ३ अर्ब ७ करोड ५० लाख ५० हजार रुपैयाँको ४० प्रतिशत अर्थात् १ अर्ब २३ करोड २० हजार रुपैयाँ बराबरको १ करोड २३ लाख २०० कित्ता साधारण सेयर निष्कासन गर्ने अनुमति पाएको थियो ।    

कम्पनीले प्रति सेयर १०० रुपैयाँ अंकित मूल्यमा १३७ रुपैयाँ ५८ पैसा प्रिमियम थप गरी कुल २३७ रुपैयाँ ५८ पैसामा सर्वसाधारणका लागि ९७ लाख ३२ हजार ५४४ कित्ता सेयर निष्काशन गरिएको हो । 

सर्वसाधारणले न्यूनतम् १० कित्ता र अधिकतम १५ लाख कित्ता सम्म आवेदन दिन सक्नेछन् । निष्कासन बन्द छिटोमा १७ असोजमा र ढिलोमा २८ असोजमा हुनेछ ।

आइपिओ निष्कासन तथा बिक्री प्रबन्धकमा  एनआईएमबी एस क्यापिटल लिमिटेड रहेको छ । 

नेपाल धितोपत्र बोर्डबाट स्वीकृति प्राप्त गरेका सम्पूर्ण सि आस्बा सदस्य बैंक तथा वित्तीय संस्था र तीनका तोकिएका शाखा कार्यालय तथा सिडिएस एन्ड क्लियरिङ लिमिटेडको सफ्टवेयर मेरो सेयर अनलाइन प्रयोग गरी सि आस्बा प्रणालीमार्फत आवेदन दिन सकिनेछ ।