सोलुखुम्बुको लोबुचेमा मनाङ एयरको ९ एन-एएनजे कलसाइन भएको हेलिकोप्टर दुर्घटना भएको छ । शनिबार बिहान उक्त हेलिकोप्टर लुक्लाबाट लोबुचे उडेको थियो ।

लोबुचेमा अवतरणको क्रममा हेलिकोप्टर दुर्घटना भएको बताइएको छ । दुर्घटना भएलगत्तै उक्त हेलिकोप्टरमा आगो लाग्दा हेलिकोप्टर पूर्ण रुपमा क्षति भएको छ। 

हेलिकोप्टरमा पाइलट प्रकाश सेडाई मात्र सवार रहेको र उनी घाइते भएको बताइएको छ । स्थानीयले पाइलटको उद्धार गरेका थिए । पाइलटलाई अर्को हेलिकोप्टरमार्फत ह्याम्स हस्पिटल ल्याइँदैछ ।