सोमबार बिहान रुकुम पश्चिमको चौरजहारी नगरपालिका–८ गोईरीज्यूलामा भएको जीप दुर्घटनामा परी २२ जना घाइते भएका छन् । दुर्घटनामा परेका ५ जना घाइतेको अवस्था गम्भीर रहेको प्रहरीले जनाएको छ ।

घाइतेको उद्धार कार्य जारी रहेको प्रहरीले जनाएको छ । लु १ ज २२९७ नम्बरको जीप चौरजहारी नगरपालिका–१० खोला गाउँबाट सदरमुकाम मुसिकोटतर्फ जाँदै गर्दा दुर्घटनामा परेको हो । 

घाइतेहरू सबैलाई चौरजहारी अस्पतालमा उपचारको लागि लगिएको छ । जिप सडकबाट करिब २५० मिटर तल भेरी नदी किनारमा खसेको छ ।