काठमाडौंको कीर्तिपुरस्थित त्रिवि क्रिकेट मैदानमा नेपाल र क्यानडाबीच एकदिवसीय सिरिजको पहिलो खेल जारी रहँदा सन्दीप लामिछानेको पक्षमा नाराबाजी गरेपछि प्रहरीले दुई जनालाई नियन्त्रणमा लिएको छ ।  

समर्थकले सन्दीपको पक्षमा ब्यानरसहित नाराबाजी गरेपछि प्रहरीले दुई जनालाई नियन्त्रणमा लिएको हो । ४०औँ ओभरमा खेल चलिरहँदा उपस्थित समर्थकले सन्दीपको पक्षमा नाराबाजी गर्दा प्रहरीले माहोल शान्त पार्न खोजेको थियो ।

प्रहरी र सन्दीपका समर्थकबीच विवाद भएपछि केही बेर खेल रोकिएको थियो । जिल्ला अदालत काठमाडौंले बलात्कार मुद्दामा ८ वर्ष जेल सजायको फैसला गरेपछि सन्दीप क्यानडाविरुद्धको सिरिजका लागि टिममा छैनन् ।