नेपाली बजारमा फेरि सुन महँगीको छ । आज अघिल्लो दिनको तुलनामा प्रतितोला एक हजार एक सय रूपैयाँ बढेको सुनको मूल्यले नेपाली बजारमा पुनः नयाँ रेकर्डसमेत कायम गरेको छ ।

पछिल्लो समय लगातार बढिरहेको सुनको मूल्य आज हालसम्मकै उच्च विन्दुमा पुगेको हो । नेपाल सुनचाँदी व्यवसायी महासंघका अनुसार आज बढेको मूल्यसँगै सुन प्रतितोला एक लाख २७ हजार नौ सय रूपैयाँमा किनबेच भइरहेको छ । यो मूल्य पछिल्लो रेकर्डभन्दा एक सय रूपैयाँ बढी हो।

आज तेजाबी सुन प्रतितोला एक लाख २७ हजार तीन सय रूपैयाँमा कारोबार भइरहेको छ। 

आज चाँदीको मूल्य पनि बढेको छ। अघिल्लो दिनको तुलनामा प्रतितोला २० रूपैयाँ बढेर आज चाँदीको मूल्य प्रतितोला एक हजार पाँच सय १० रूपैयाँ पुगेको छ ।