राष्ट्रिय स्वतन्त्र पार्टीका सभापति रवि लामिछाने प्रधानमन्त्री पुष्पकमल दाहाल प्रचण्डसँग भेटघाटका लागि बालुवाटार पुगेका छन् ।
उनी आइतबार साँझ बालुवाटार पुगेका हुन् ।
शुक्रबार सर्वोच्च अदालतको फैसलाका कारण उनले पार्टी सभापति देखि गृहमन्त्रीसम्म सबै पद गुमाएका थिए । आइतबार उनले काठमाडौं जिल्ला प्रशासनबाट नागरिकता लिने प्रक्रिया पूरा गरे ।
आजै राष्ट्रिय स्वतन्त्र पार्टीको सभापतिमा मनोनित भएका रवि लामिछानेले बालुवाटारमा आफूलाई गृहमन्त्री बनाउन प्रचण्डसँग आग्रह गरेका छन् ।
प्रचण्डले यसअघि आज दिउँसो भएको एमाले अध्यक्ष केपी शर्मा ओलीसँगको भेटवार्तामा अब गृह मन्त्रालय नेकपा माओवादी केन्द्रले नै राख्ने विषयमा छलफल गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
