चर्चित लोक तथा दोहोरी गायक प्रकाश सपुतमाथि रोमानियामा आयोजित एक कार्यक्रममा बियरको बोतल प्रहार भएको छ । आइतबार भएको सो घटनाको भिडियो अहिले सामाजिक सञ्जालमा भाइरल भइरहेको छ ।   

भिडियोमा प्रकाशले गीत गाइरहेको बेला अचानक दर्शक दिर्घाबाट बोतलको प्रहार भएको देखिन्छ ।  

उनले बोतल आएको नदेख्दा छल्न सकेनन् । बोतल प्रकाशको अनुहारमै लागेको थियो । त्यसलगत्तै उनले मुख छोप्दै गरेको दृश्य भिडियोमा देख्न सकिन्छ । 

आयोजकले तत्काल बोतल प्रहार गर्नेलाई नियन्त्रणमा लिएको थियो ।