नेपाली राष्ट्रिय क्रिकेट टोलीका पूर्वकप्तान पारस खड्काले नेपाल क्रिकेट संघ (क्यान) को बागमती प्रदेश अध्यक्षमा उम्मेदवारी घोषणा गरेका छन् ।
शुक्रबार पत्रकार सम्मेलन गर्दै उनले क्यानको बागमती प्रदेश अध्यक्षमा उम्मेदवारी घोषणा गरेका हुन् । केही दिनअघि मात्र पारस काठमाडौं जिल्ला क्रिकेट संघको सदस्यमा सर्वसम्मत चयन भएका थिए ।
योसँगै क्यानको केन्द्रीय नेतृत्वमा पुग्ने पारसको बाटो खुला भएको थियो । पारसले यही चुनावमै क्यानमा आउने लक्ष्यका साथ दुई वर्षअघि अन्तर्राष्ट्रिय क्रिकेटबाट संन्यास लिएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
