वेस्ट बैंकको जेनिन शरणार्थी शिविरमा भएको ड्रोन आक्रमणमा कम्तीमा तीन जनाको मृत्यु भएको छ । यस्तै, घटनामा ३० जना घाइते भएका छन् ।  

इजरायली सेनाका प्रवक्ताकाअनुसार जेनिन शरणार्थी शिविरमा कारबाही गरिएको थियो । उत्तरी वेस्ट बैंकमा अवस्थित लडाकू को गढ रहेको सो क्षेत्रमा आक्रमण गरिएको बताए ।

इजरायलीहरू विरुद्धको आक्रमणमा संलग्न भएको आशंकामा सेनाले दुई प्यालेस्टाइनी नागरिकलाई पक्राउ गरेको छ । इजरायली सेना भने सकुशल रहेको सेनाका प्रवक्ताले बताए । 

फतह पार्टीसँग सम्बद्ध सशस्त्र संगठन अल अक्शा शहीद बिग्रेडका लडाकू मोहम्मद अबु अल बाहको घरलाई घेरिएको बताइएको छ ।