सरकारले गरेको टिकटक प्रतिबन्धको सर्वत्र आलोचना भएको छ । सोमबार मन्त्रिपरिषद् बैठकले गरेको निर्णयले यतिबेला चर्चा पाइरहेको छ।
सरकारको यो कदमको सबैतिर आलोचना भइरहेका बेला राष्ट्रिय प्रजातन्त्र पार्टीका अध्यक्ष राजेन्द्र लिङ्देनले पनि सो कदमको सवरोध गरेका छन् । उनले प्रजातन्त्र, मानवअधिकार र अभिव्यक्ति स्वतन्त्रताको ध्वाँस दिनेहरुबाटै टिकटकमाथि प्रतिबन्ध लगाइएको टिप्पणी गरेका हुन्।
‘प्रजातन्त्र, मानवाधिकार र अभिव्यक्ति स्वतन्त्रताको ठूलठूला ध्वाँस दिनेहरुबाट टिकटकमाथिको प्रतिबन्ध अनुचित र अनुपयुक्त छ,’उनले भनेका छन्, ‘यो निर्णय निरंकुशताको बाटो हो।’
कुनै पनि प्रकारका सामाजिक सञ्जालबाट हुनसक्ने विकृतिको नियमन र नियन्त्रण आवश्यक रहेको औँल्याउँदै अध्यक्ष लिङ्देनले तर प्रतिबन्ध भने स्वीकार गर्न नसकिने बताएका छन्।
>
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।