नेपाल कराते महासंघले सातौँ दक्षिण एसियाली कराते च्याम्पियनसिप आयोजना गर्ने भएको छ । 

शुक्रबार काठमाडौंमा पत्रकार सम्मेलन गर्दै महासंघले आगामी मंसिर १२ गते देखि १७ गतेसम्म एकेएफ रेफ्री सेमिनार र सातौँ दक्षिण एसियाली कराते च्याम्पियनसिप आयोजना गर्ने जानकारी दिएको हो । 

महासंघले २५ वर्षपछि च्याम्पियनसिप आयोजना गर्न लागेको जानकारी दिएको छ । ‘नेपालको इतिहासमा २५ वर्षपछि यस्तो प्रतियोगिता आयोजना गरिएको हो । यो एउटा करातेको विकासमा 
एउटा कोसेढुंगा हुन सक्छ ।’ नेपाल कराते महासंघले भनेको छ । 

च्याम्पियनसिपमा बंगलादेश, भुटान, भारत, नेपाल, पाकिस्तान र श्रीलंकालगायत देशको सहभागिता रहने संघले जानकारी दिएको छ । 

आयोजकले सबै सहभागीका लागि एक बिदाइ रात्रिभोजसमेत आयोजना गर्नेछ ।