मोरङको उर्लाबारीमा लक्ष्मी पूजाको राति एक सुन पसलमा आगलागी हुँदा नियन्त्रणका क्रममा घाइते भएका मध्ये पाँच जनाको मृत्यु भएको छ ।

गएराति राति साढे ११ बजे काठमाडौंस्थित बर्न अस्पतालमा उपचाररत ४३ वर्षीय रामनरेश मरिताको मृत्यु भएको जिल्ला प्रहरी कार्यालय मोरङले जनाएको छ ।

धनुषास्थित जानकीनन्दनी गाँउपालिका घर भएका मरिता आगलागी नियन्त्रणका क्रममा गम्भीर घाइते भएका थिए । उर्लाबारी नगरपालिकाको बरगाछीमा रहेको सुनचाँदीको पसलमा आगलागी भएको थियो । 

सोहीक्रममा घाइते भएर उपचारका लागि काठमाडौं ल्याइएका घरधनी ६८ वर्षीय रुकुमबहादुर कार्की, ४९ वर्षीय हेमकुमार दाहाल, ४२ वर्षीय कुमार तामाङ र ४३ वर्षीय तपन पण्डितको उपचारकै क्रममा मृत्यु भइसकेको मोरङ प्रहरी प्रमुख प्रहरी उपरीक्षक दीपक पोखरेलले जानकारी दिए ।