कैलालीको धनगढीमा जारी सुदूरपश्चिम महोत्सवमा कलाकार पल शाह (पूर्णविक्रम शाह) को ब्रासलेट हराएको छ । शनिबारको दिन प्रस्तुति दिनेक्रममा उनको करिब ३ तोला दाबी गरिएको सुनको ब्रासलेट हराएको हो । 

स्टेज प्रस्तुतिका क्रममा उनकै फ्यानले हात तानेर ब्रासलेट खोसेको बताइएको छ । तर, कसले खोस्यो भन्ने विषयमा भने कुनै पत्तो लाग्न नसकेको बुझिएको छ ।

ब्रासलेट खोज्न सिसिटिभी हेरिए पनि अहिलेसम्म फेला नपरेको महोत्सवका सांस्कृतिक संयोजक मिलन कुँवरले बताए । प्रहरीले भने ब्रासलेट हराएको विषयमा जानकारी नै नआएको जनाएको छ ।