साताको पहिलो दिन अर्थात् आइतबार नेपाली बजारमा सुनचाँदीको मूल्य बढेको छ । यसअघि अघिल्लो दिन अर्थात् शुक्रबार प्रतितोला ६ सय रूपैयाँ बढेको सुनको मूल्य आज प्रतितोला पाँच सय रूपैयाँ बढेको हो।

बढेको मूल्यसँगै आज छापावाल सुन प्रतितोला एक लाख १७ हजार छ सय रूपैयाँ र तेजाबी सुन प्रतितोला एक लाख १७ हजार ५० रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । 

आज चाँदीको मूल्य पनि बढेको छ । नेपाली बजारमा आज अघिल्लो दिनको तुलनामा चाँदी प्रतितोला २० रूपैयाँ बढेको हो । मूल्य बढेसँगै आज चाँदी प्रतितोला १४ सय ३० रूपैयाँमा किनबेच भइरहेको छ।