एजेन्सी– भारतमा भाइको इन्गेजमेन्ट गरिसकेको विवाह नहुने भएपछि अमेरिका फर्किएकी अभिनेत्री प्रियंका चोपडा पति निक जोनससँग लस भेगासमा एउटै मन्चमा देखिएकी छिन् । एउटा अवार्ड कार्यक्रममा एउटै स्टेजमा सँगै देखिएपछि यी दुईबीच केहीअघि देखि सम्बन्धमा खटपट भएको विषय निराधार भएको पुष्टि भएको भारतीय सन्चारमाध्यमले लेखेका छन् । 

उनीहरुले स्टेजमा गरेको पर्फमेन्सको भिडियो पनि भाइरल भएको र निकले एक अन्तर्वार्तामा आफ्नो घरमा महिलाहरुको सम्बन्ध बलियो भएको बताएको भास्करले लेखेको छ । अमेरिकी स्टेजमा पनि प्रियंकासँगै उनकी जेठानी र देउरानी पनि पुगेका थिए । यो अवार्ड समारोहमा निकका दाजुभाइले आफ्नो पर्फमेन्स देखाएको १० वर्षपछाडि हो ।