‘कमेडी च्याम्पियन’को पहिलो संस्करणबाट चर्चामा आएका आदर्श मिश्रालाई पितृशोक परेको छ । 

आदर्शका पिता विनोद मिश्राको मंगलबार बिहान चितवनको भरतपुर अस्पतालमा निधन भएको हो । उनी विगत चार वर्षदेखि मिर्गौलाको बिरामी थिए ।  

उनलाई सोमबार राति उपचारका लागि नारायणी अस्पतालबाट भरतपुर अस्पताल पुर्याइएको थियो । विनोदको हप्तामा दुईपटक मिर्गौलाको डायलसिस गराउँदै आइएको थियो । 

आदर्शले अस्पताल बसाइको दिकदारी र उपचारमा सरकारको उदासीनताबारे केही साताअघि बोलेको भिडियो सामाजिक सञ्जालमा भाइरल बनेको थियो ।