बलिउड अभिनेता सुशान्त सिंह राजपुतको मृत्यु भएको एक वर्ष पुरा भयो । सुशान्तले गत वर्षको १४ जुनमा मुम्बईस्थित आफ्नै फ्ल्याटमा झुण्डिएर आत्महत्या गरेका थिए । मृत्युको एक वर्षसम्म पनि सुशान्तको आत्महत्याको कारण खुल्न सकेको छैन् ।

उनको वार्षिकीमा उनका फ्यान तथा सहकर्मीले सम्झना गरिरहेका छन् । सुशान्तको मृत्युको एक वर्षपछि अंकिता लोखन्डेले सुशान्तलाई सम्झना गरेकी छिन् । उनले सुशान्तसँगको सम्बन्धमा रहेका बेला खिचेका तस्बिरको भिडियो बनाएर इन्स्टाग्राममा पोष्ट गरेकी छिन् ।

उनले पोस्टमा लेखेकी छिन् ‘१४ जुन । यो हाम्रो यात्रा थियो । फेरि भेटौंला ।’ 

सुशान्त र अंकिता टेलिश्रृखंला ‘पवित्र रिश्ता’ को सुटिङका क्रममा प्रेममा परेका थिए । उनीहरू प्रेममा परेको ६ वर्षपछि प्रेमसम्बन्धबाट छुट्टिएका थिए ।