अमेरिकी विकास सहयोग मिलेनियम च्यालेन्ज कर्पोरेसन (एमसीसी)लाई लिएर नेपाल भित्र प्रमुख राजनीतिक दलहरु विभाजित भइरहेका बेला दुई शिर्ष अमेरिकी अधिकारी नेपाल भ्रमणमा आउन लागेका छन् ।
दक्षिण तथा मध्य एसियाली मामिला हेर्ने अमेरिकी सहायक विदेश मन्त्री डोनाल्ड लु आफ्नो दुई दिने नेपाल भ्रमणको सिलसिलामा आज काठमाडौँ आउँदै छन् ।
काठमाडौँ बसाइका क्रममा उनले प्रधानमन्त्री शेरबहादुर देउवा र केही मन्त्रीहरुसँग भेटवार्ता गर्ने कार्यक्रम रहेको काठमाडौंस्थित अमेरिकी दूतावासले जनाएको छ । उनले केही सांस्कृतिक सम्पदा स्थलहरूको अवलोकन समेत गर्नेछन् ।
दक्षिण तथा मध्य एसियाली मामिला हेर्ने अमेरिकी उप–सहायक विदेश मन्त्री केल्ली किडरलिङ पनि भने बिहीबार काठमाडौँ आउँदै छिन् । उनले नेपाली अधिकारी र नागरिक समाजका अगुवाहरूसँग भेटघाट गर्ने जनाइएको छ ।
अमेरिका र नेपालबीच कूटनीतिक सम्बन्ध स्थापित भएको ७५ वर्ष पुग्नु ठीक अगाडि उनीहरुको भ्रमण हुन लागेको हो । कोभिड–१९, जलवायु परिवर्तन र लोकतन्त्रको सबलीकरण जस्ता राष्ट्रपति बाइडेनका उच्च प्राथमिकतामा रहेका चुनौतीहरूलाई उनीहरुलाई सम्बोधन गर्ने दूतावासले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।