१० करोड घुस मागेको अडियो टेप प्रकरणमा मुछिएका न्यायाधीश राजकुमार कोइराला निलम्बित भएका छन् ।

काठमाण्डु जिल्ला अदालतका न्यायाधीश कोइराला र अधिवक्ता रुद्र पोखरेलबीच इच्छाराज तामाङको मुद्दाको विषयलाई लिएर भएको घुस बार्गेनिङको अडियो केही दिनअघि बाहिरिएको थियो । 

सो विषयमा छानबिन गर्न न्यायपरिषद बैठकले छानबिन समिति गठन गरेको सूचना सोमबार राजपत्रमा प्रकाशित भएपछि उनी स्वतः निलम्बनमा परेका हुन् ।

राजपत्रमा प्रकाशित सूचनामा ‘न्यायाधीश कोइराला र अधिवक्ता पोखरेलबीच भएको भनिएको टेलिफोन संवाद र सोसँग सम्बद्ध तथ्यहरु सम्बन्धमा तथा कोइरालाले आचरण र कर्तव्यको इमान्दारीपूर्वक पालना नगरेको लगायतका विषयमा छानबिन गर्न समिति बनाइएको’ उल्लेख छ ।